Tovuzda zəncirvari yol-nəqliyyat hadisəsi baş verib.
Medianews.az APA-ya istinadla xəbər verir ki, hadisə rayonun Düz Cırdaxan kəndində qeydə alınıb.
Hərəkətdə olan iki VAZ-2107, bir “Toyota” və bir VAZ-21011 markalı minik avtomobili toqquşub.
Hadisə nəticəsində qəzaya baxan bir neçə nəfəri hərəkətdə olan digər avtomobil vurub.
Xəsarət alanlar 1992-ci il təvəllüdlü R.Həsənov, 1992-ci il təvəllüdlü K.Tağıyev, 1991-ci il təvəllüdlü F.Tağıyev, 1991-ci il təvəllüdlü C.Əliyev, 1984-cü il təvəllüdlü S.Mehdiyev və 2019-cu il təvəllüdlü M.Dəmirzadədir.
Yaralılar xəstəxanaya yerləşdiriliblər.
Faktla bağlı araşdırma aparılır.
