“Bayden administrasiyası Ukraynada sülhün əldə olunmasında maraqlı deyil”.
Turkustan.az xəbər verir ki, bunu amerikalı iqtisadçı, professor Cefri Saks jurnalist Taker Karlsona müsahibəsində deyib.
O bildirib ki, Bayden bu böhranda birbaşa Vaşinqtonun günahkar olduğunu etiraf etməkdən boyun qaçırır.
“Bu administrasiya vəziyyətin düzəlməsi istiqamətində heç nə etməyəcək. Düşünürəm ki, prezidentin psixi durumu ona nəyəsə rəhbərlik etməyə imkan vermir. Biz avtopilot rejimindəyik və bu, çox qorxuludur. Bu, Birləşmiş Ştatların öz məqsədlərinə çatmaq və NATO-nu genişləndirmək niyyəti ilə Ukraynanı təhrik etdiyi müharibədir. Sadə amerikalılara Ukrayna münaqişəsinin əsl səbəbləri heç vaxt izah edilməyib”, – deyə Saks vurğulayıb. /globalinfo.az/