“Əl-Nəsr”in hücumçusu Kriştiano Ronaldo Səudiyyə Ərəbistanı klubunun rəhbərliyinə Zinəddin Zidanın baş məşqçi təyin edilməsi ilə bağlı müraciət edib.
Sportinfo.az xəbər verir ki, bu barədə “OK Diario” nəşri məlumat yayıb.
Mənbə bildirir ki, futbolçu komandada baş məşqçi ilə bağlı problemlərin olduğunu düşünür.
Onun fikrincə, bu posta ən yaxşı namizəd “Real”da rəhbərliyi altında ardıcıl üç dəfə Çempionlar Liqasını qazanan Zidandır.
“Əl-Nəsr” 62 yaşlı portuqaliyalı mütəxəssis Luis Kastronu istefaya göndərib. Komanda yeni mövsümün əvvəlində Superkubok matçında “Əl-Hilal”a böyük hesabla uduzub (1:4).
