“Qarabağ” Çempionlar Liqasında mübarizəni dayandırıb

Yayımlandı: 28 Avqust 2024 22:37 Komanda “Dinamo”ya cavab oyununda da məğlub olub “Qarabağ” komandası avqustun 28-də UEFA Çempionlar Liqasının pley-off mərhələsindəcavab oyununu keçirib. Azərbaycan çempionu Bakıda Xorvatiya təmsilçisi “Dinamo” (Zaqreb) ilə qarşılaşıb. Xorvatiyada keçirilən ilk matçda meydan sahibləri 3:0 hesablı qələbə qazanmışdılar. Foto: Meydan TV Tofiq Bəhramov adına Respublika stadionunda keçirilən cavab qarşılaşması saat 20:45-də başlayıb. Oyun “Qarabağ”ın məğlubiyyəti ilə yekunlaşıb. Qurban Qurbanovun baş məşqçisi olduğu komanda “Dinamo”ya 0:2 hesabı ilə məğlub olub. Bu məğlubiyyət “Qarabağ”ın Çempionlar Liqasında mübarizəni dayandırması ilə nəticələnib. Komanda bundan sonra UEFA Avropa Liqasının əsas mərhələsində mübarizə aparacaq. Meydan TV

• Bakı
• Mübarizə
• Pley-Off
• Matç
• Qarabağ
• Məğlub
• Qələbə
• Meydan
• Mərhələ
• Xorvatiya
• Avqust
• Çempionlar Liqası
• Dayandırma
• Uefa
• Respublika
• Dinamo
• Tofiq Bəhramov
• Zaqreb
• Pley-Off Mərhələsi