UEFA 2024/2025 mövsümündə kişi və qadın futbolçular arasında Çempionlar Liqasında turnirində oynanacaq rəsmi topları təqdim edib.
Far.Az xəbər verir ki, bu barədə UEFA-nın rəsmi saytında məlumat verilib.
Bəyanatda deyilir: “Hər iki top klassik görünüşə qayıdır, lakin yenilənmiş texnologiya ilə. Onlar 2019-cu ildən bəri istifadə edilən ofset dizaynını əvəz edərək, yenidən ucdan-uca ulduzlarla bəzədilib.”
Çempionlar Liqasının topunun görünüşü ağ altıbucaqlılar fonunda qara rəngdə təsvir edilmiş turnirin simvolik ulduzları ilə əlamətdar sadəlikdən ibarətdir. Qadınların Çempionlar Liqasının yeni topu kişi topları ilə eyni ulduz və altıbucaqlı quruluşa malikdir, lakin özünəməxsus qrafika ilə. Üç zolaq canlı turbo-qırmızı və auroral qara rəngdə səth boyunca axır ki, bu zolaqlar ilk dəfə Qadınların Çempionlar Liqasının topunda təqdim olunan arzu edilən kubokun konturlarını təsvir edir.
Xatırladaq ki, 2024/2025 mövsümündən Çempionlar Liqasında əvvəlki kimi 32 yox, 36 komanda çıxış edəcək.
Far.Az
