Hollivud aktyoru Ben Afflek müğənni Cennifer Lopezdən boşandıqdan sonra yeni münasibətə başlamağa tələsmir.
HİT.az xəbər verir ki, bu barədə TMZ məlumat yayıb.
Ulduzların əhatəsində olan bir mənbə 52 yaşlı Ben Afflekin amerikalı siyasətçi Robert Kennedinin (Kiçik Kennedi) qızı Ketlin Kik Kennedi ilə görüşmədiyini bildirib. Mənbənin sözlərinə görə, aktyorla qızı ancaq dostluq bağlayır.
Keçən həftə internetdə Ben Afflekin Ketlin Kik Kennedi ilə münasibətdə olması barədə şayiələr yayılıb. "Page Six" insayderi aktyorun amerikalı siyasətçi Robert Kennedinin qızı ilə istirahət etdiyini bildirib. Onların Beverly Hills otelində, eləcə də digər məşhurların qaynar nöqtələrində göründüyü bildirildi.
Avqustun 20-də məlum olub ki, 55 yaşlı Cennifer Lopez 52 yaşlı Ben Afflekdən boşanmaq üçün məhkəməyə müraciət edib. Aktrisa Los-Anceles Ali Məhkəməsinə vəkilsiz sənədlər təqdim edib və ərindən ayrılma tarixini göstərib - 26 aprel 2024-cü il.
Cennifer Lopez və Ben Afflekin münasibətlərində ciddi problemlər olduğuna dair söz-söhbətlər may ayında başlayıb. Daha sonra məşhurların ikinci evlilik ildönümünü ayrıca keçirdikləri barədə məlumatlar ortaya çıxıb.
Ben Afflek və Cennifer Lopez 2000-ci illərin əvvəllərində tanış olublar. Həmin vaxt onlar nişanlansa da, evlənməyiblər. 2021-ci ilin yazında keçmiş sevgililər münasibətlərini bərpa edib və 16 iyul 2022-ci ildə Las Veqasda evləniblər.
Samir
