Serbiyalı məşhur tennisçi Novak Cokoviç "Böyük dəbilqə" seriyasına daxil "US Open 2024" turnirində mübarizəyə başlayıb.
37 yaşlı raketka ustası ilk mərhələdə moldovalı Radu Albotla üz-üzə gəlib.
Matç Cokoviçin inanlı qələbəsi ilə yekunlaşıb - 3:0 (6:2, 6:2, 6:4)
Serbiyalı idmançı ikinci raundda həmyerlisi Laslo Dyere ilə qarşılaşacaq.
Qeyd edək ki, turnirin mükafat fondu 75 milyon ABŞ dollarıdır. Cokoviç son olaraq Fransanın paytaxtı Parisdə təşkil olunan Yay Olimpiya Oyunlarının qalibi olub.
