İsrail silahlı qüvvələri "İsrailə raket və mərmi atmaq cəhdlərini aşkar etdikdən sonra" döyüş təyyarələrinin Livandakı "Hizbullah" hədəflərinə zərbələr endiriblər.
Musavat.com bildirir ki, bu barədə BBC xəbər yayıb.
İsrail Ordusunun (IDF) sözçüsü Daniel Hagari "Özünümüdafiə məqsədilə bu təhdidləri aradan qaldırmaq üçün İsrail Müdafiə Qüvvələri terrorçuların hədəflərini vurur" deyib.
İsrail bildirib ki, Livan vətəndaşlarına "Hizbullah"ın fəaliyyət göstərdiyi əraziləri dərhal tərk etmələri barədə xəbərdarlıq edilib.
Bir müddət sonra "Hizbullah" ötən ay hərəkatın yüksək səviyyəli hərbi komandiri Fuad Şükürün öldürülməsinə cavab olaraq İsrailə genişmiqyaslı pilotsuz təyyarə hücumu təşkil etdiyini bildirib.
Musavat.com
