İsrailə raket hücumundan sonra “Hizbullah” hərəkatı Beyrutda hərbi qanad komandiri Fuad Şükrün öldürülməsinə “ilkin cavab” verib.
NOCOMMENT.az report-a istinadən xəbər verir ki, bu barədə hərəkatın Telegram kanalında məlumat verilib.
Belə ki, “İslam müqaviməti” İsrail daxilindəki hərbi hədəflərə hava hücumu təşkil edib.
“The Times of Israel” qəzetinin məlumatına görə, Livandan İsrailə doğru 320-dən çox raket atılıb, ölkədəki 11 hərbi baza atəşə tutulub.
İsrailin “Ynet News” portalı xəbər verir ki, bütün bunların fonunda İsrailin müdafiə naziri Yoav Qalant növbəti 48 saat ərzində ölkədə fövqəladə vəziyyət elan edib.
Livandakı “İslam Müqaviməti” İsrailin şimalındakı Qərbi Qalileyaya və yəhudi dövlətinin nəzarətində olan Qolan təpələrinə doğru 70-dən çox raket atıb.
NOCOMMENT.az report-a istinadən xəbər verir ki, bu barədə Livanın “Al Mayadeen” telekanalı məlumat yayıb.
Telekanal bildirir ki, İsrail ərazisinin atəşə tutulması davam edir.
Bu arada İsrail ordusunun bu səhər Livanda “Hizbullah” hərəkatının hədəflərinə qabaqlayıcı zərbələr endirməsindən sonra yəhudi dövlətinin müdafiə naziri Yoav Qalant növbəti 48 saat ərzində ölkədə fövqəladə vəziyyət elan edib.
İsrail Müdafiə Qüvvələrinin mətbuat xidməti daha əvvəl bildirmişdi ki, İsrail ərazisinə raket zərbəsi hazırlamaqla əlaqədar “Hizbullah” hərəkatının hədəflərinə hücum ediblər.
Qəzza zolağında Fələstinin radikal HƏMAS hərəkatı ilə döyüşlər zamanı isə İsrail Müdafiə Qüvvələrinin 4 əsgəri həlak olub, daha 7 nəfər yaralanıb.
