Sağlamlıq üçün ən faydalı qidalardan biri balıqdır və onu həftədə 1-2 dəfə yemək məsləhət görülür. Lakin nəzərə almaq lazımdır ki, balıq həm də ən tez xarab olan məhsullardandır, saxlama müddəti çox məhduddur və buna görə də təhlükəlidir.
Cənubi Tirol Qida Mərkəzi balığın təzə olub-olmadığını müəyyən etməyin yollarını izah edib.
Bunu üç əlamətdən bilmək olar:
1. Görünüş.
Təzə balığın üzgəcləri bütövdür, zədələnməyib, yapışqan və quru deyil. Pulcuqları parlaqdır və nazik, şəffaf selik təbəqəsi ilə örtülür. Balığın içini təmizləyərkən kəsilmiş səthlərdə qan qalıqları al-qırmızı olur. Bundan əlavə, təzə balığın şişmiş, aydın, parlaq gözləri və al-qırmızı, nəmli, parlaq qəlsəmələri var.Südlü selik, kəsilmiş səthlərin tünd, qəhvəyi və ya qurumuş olması, çökmüş, bulanıq, gözlər və selikli, sarı və ya qəhvəyi qəlsəmələr balığın artıq təzə olmadığını göstərir.
2. Qoxu.
Çox təzə balıq, demək olar ki, neytral qoxuya malikdir və mənşəyindən asılı olaraq, duzlu su, gölməçə və ya yosunların qoxusunu azca verə bilər. İyi bilmək üçün ən yaxşısı qəlsəmələri qoxlamaqdır.Qoxu nə qədər kəskin olsa, məhsul bir o qədər köhnədir. Korlanmış balıqdan çürük qoxusu və ammiak iyi gəlir.
3.Konsistensiya.
Təzə balığın əti möhkəm və elastikdir. Barmağınızla balığın dərisinə möhkəm basdıqda üzərində heç bir çuxur qalmamalıdır. lakin ölümdən sonrakı keyimə cəmi bir neçə saat davam edir, sonra ət yenidən yumşalır.
Foodinfo.az
