Other

Mina Əliyarlının həbs təhlükəsi var

arqument.az

02:32 17.04.2024

Smartbee
Report

"AbzasMedia” əməkdaşı dindirilməyə çağırılıb

"AbzasMedia” işi üzrə jurnalistlərin polisə çağırılmaları yenidən başlayıb.

Aprelin 17-də jurnalist Mina Əlyarlı yenidən Bakı Şəhər Baş Polis İdarəsində (BŞBPİ) dindirilmək üçün dəvət olunub.

BŞBPİ-nin İstintaq İdarəsinin Ağır cinayətlərin istintaqı şöbəsinin baş müstəntiqi Toğrul Hüseynov aprelin 15-də ona zəng edib, bildirib ki, istintaqla bağlı ona əlavə sualları yaranıb.

Bu, eyni işlə bağlı jurnalistin ikinci dindirilməsi olacaq.

O, daha öncə, ötən il noyabrın 23-də istintaqa ifadə verib.

İndiyə qədərki dövrdə iş üzrə dindirilməyə ikinci dəfə çağırılan bütün jurnalistlər həbs edilib.

Ötən il noyabrın 20-də "AbzasMedia”nın direktoru Ülvi Həsənli, onun müavini Məhəmməd Kekalov, noyabrın 21-də saytın baş redaktoru Sevinc Vaqifqızı, noyabrın 30-da reportyor Nərgiz Absalamova, dekabrın 13-də araşdırmaçı jurnalist Hafiz Babalı, yanvarın 13-də isə jurnalist Elnarə Qasımova saxlanılıb.

Onlara qarşı Cinayət Məcəlləsinin 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə ittiham irəli sürülüb, barələrində həbs qətimkan tədbiri seçilib.

Məhkəmə istintaq zamanı prokurorluğun ittihamlarını qəbul etsə jurnalistləri 8 ilədək həbs cəzası gözləyir.

Jurnalistlər ittihamları rədd edir, həbslərini "AbzasMedia”da dərc olunan korrupsiya araşdırmaları ilə əlaqələndirirlər.

Fevralın 24-dən başlayaraq "AbzasMedia” işi üzrə həbs edilən bütün jurnalistlərin həbs müddətləri daha 3 ay artırılıb.

Beynəlxalq təşkilatlar bu qərarları istintaqın əsassız aparılması ilə əlaqələndirib, jurnalistlər üzərində təzyiq olduğunu bildiriblər.(Meydan TV)

Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.

Chosen

164

Sources

Comment ()

Mina Əliyarlının həbs təhlükəsi var

Rating

Sign in to your account

Sign up

Şifrəni bərpa et