Xaçmaz, 13 may, Elxan Yusifli, AZƏRTAC
Mayın 13-ü axşam saatlarında Xaçmazda iki nəfərin xəsarət alması ilə nəticələnən yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, Xaçmaz-Quba yolunun Hacıəlibəy kəndi ərazisindən keçən hissəsində “VAZ 2104” və “Chevrolet Cruze” markalı nəqliyyat vasitələri toqquşub.
Qəza zamanı avtomobillərdə olan iki nəfər müxtəlif dərəcəli bədən xəsarətləri alıblar. Yaralılar təcili tibbi yardım avtomobili ilə Xaçmaz Rayon Mərkəzi Xəstəxanasına aparılıb.
Faktla bağlı araşdırma aparılır.