ABŞ həbs edilən hərbçisinin Rusiyaya səfəri ilə bağlı araşdırmaya başlayıb
ABŞ Quru Qoşunları Vladivostokda həbs edilən amerikalı hərbçi Qordon Blekin Rusiya Federasiyasına səfəri ilə bağlı halları müəyyən etmək üçün araşdırmalara başlayıb.
Bunu jurnalistlər üçün keçirdiyi növbəti brifinqdə ABŞ Müdafiə Nazirliyinin mətbuat katibinin müavini Sabrina Sinq deyib.
"Ordu onun səfərinin şərtlərini və şəraitini müəyyən etmək üçün inzibati təhqiqat başladıb", - deyə Pentaqonun sözçüsü bildirib.
Sinq qeyd edib ki, ABŞ Dövlət Departamenti amerikalılara indi Rusiyaya səfər etməyi qəti şəkildə tövsiyə etmir.
Baş serjant Blekin Koreya Respublikasında olduğu və xidməti başa vurduqdan sonra romantik münasibətdə olduğu iddia edilən qadını ziyarət etmək üçün Vladivostoka getdiyi daha əvvəl bildirilmişdi. TASS-a Primorye məhkəmə sisteminin mətbuat xidmətindən verilən məlumata görə, Blek Rusiya Federasiyası Cinayət Məcəlləsinin 158-ci maddəsinə əsasən həbs edilib.
.jpg)
