13-cü mərtəbədən yıxılsa da...sağ qalıb...

...Omskda altı yaşlı qız 13-cü mərtəbədən yıxılaraq sağ qalıb. O, ağır bədən xəsarətləri ilə xəstəxanaya aparılıb.

SİA xəbər verir ki, Rusiya Daxili İşlər Nazirliyinin Omsk vilayəti üzrə mətbuat xidmətindən verilən məlumata görə, insident axşam saatlarında Memarlar Bulvarındakı binanın 13-cü mərtəbəsində yerləşən mənzildə baş verib. Uşağın bir müddət evdə tək qalaraq eyvandan yıxıldığı müəyyən edilib. Bu zaman qurbanın valideynləri gəzintidən sonra qalan velosipedləri götürmək üçün girişə eniblər. Evə qayıdan böyüklər qızlarını çarpayıda tapmasalar da, onu pəncərələrin altında qazonda uzanmış vəziyyətdə tapıblar.

Zərərçəkmiş təcili tibbi yardım maşını ilə xəstəxanaya yerləşdirilib. Hazırda reanimasiyada olan qızın vəziyyəti stabil və ağırdır.

Nazlı