HƏMAS rəsmisi sabah Misirin paytaxtı Qahirəyə gedəcək heyətin əsir mübadiləsi və atəşkəs razılaşması müzakirələrində İsrailin təklifinə yazılı cavab verəcəklərini bildirib.
Turkustan.az xəbər verir ki, Adını açıqlamayan HƏMAS rəsmisi sabah Misirin paytaxtı Qahirəyə gedəcək heyətin əsir mübadiləsi və atəşkəs razılaşması müzakirələrində İsrailin təklifinə yazılı cavab verəcəyini bildirib.
İsrail və HƏMAS arasında əsir mübadiləsi və atəşkəs razılaşması ilə bağlı danışıqlar sabah Misirdə davam edəcək. Adını açıqlamayan Həmas rəsmisi bu gün Britaniyanın Reuters xəbər agentliyinə bildirib ki, sabah bir nümayəndə heyəti paytaxt Qahirəyə gedəcək. Rəsmi bildirib ki, Həmas nümayəndə heyəti İsrailin əsir mübadiləsi və atəşkəs razılaşması danışıqlarında təklifinə yazılı cavab verəcək. "Bütün müqavimət qrupları arasında tam və davamlı koordinasiya var və müqavimətin tələbləri üzrə konsensus var", - HƏMAS rəsmisi bildirib.
Bir sıra xəbər agentlikləri Mərkəzi Kəşfiyyat İdarəsinin direktoru Uilyam Bernsin İsrailin Qəzzada apardığı müharibə ilə bağlı görüşlər keçirmək üçün Qahirədə olduğunu bildirib.
Eltac Zülfüqaroğlu/Turkustan.az
