Beynəlxalq Kulinariya Sənəti və Mətbəx Ulduzları “Souss Gastro” festivalı təşkil olundu - FOTOLAR

İsraa Kulinariya İncəsənəti və Davamlı İnkişaf Assosiasiyası Agadir-də ilk Beynəlxalq Kulinariya Sənəti və Mətbəx Ulduzları “Souss Gastro” festivalını təşkil etdi.

SİA xəbər verir ki, bu tədbir, açıq-aydın, “Mərakeş mətbəxi bir miras, irs və üfüqlərdir” şüarı altında Mərakeş mətbəxinin zənginliyini, eləcə də qlobal kulinariya mükəmməlliyini vurğulamağa meyllidir". Festival bir sıra yerli və beynəlxalq təşkilatların tərəfdaşlığı ilə 25-28 aprel 2024-cü il tarixlərində baş tutdu.

Festivalda Almaniya, Türkiyə, Azərbaycan İtaliya, Cənubi Koreya, Rusiya, Böyük Britaniya, Portuqaliya, Malta, Tunis, İordaniya kimi ölkələrdən 20 beynəlxalq münsiflər heyəti və dünyanın müxtəlif ölkələrindən 100-ə yaxın yarış iştirakçısını qəbul etdi. Münsiflər heyəti namizədləri qiymətləndirmək üçün bal sistemindən istifadə ediblər, 91-100 bal arası qızıl medal, 81-92 bal arası gümüş medal, 71-80 balla bürünc medal,70 baldan aşağı iştirak edənlərə isə iştirakçı sertifikatı təqdim olundu.

Şübhəsiz ki, bu festival yemək həvəskarları üçün tanıtım tədbiri oldu. Buraya müxtəlif kateqoriyalar üzrə dünyanın hər yerindən aşpazların qatıldığı müxtəlif kulinariya müsabiqələri də yer aldı Yarış müxtəlif dünya mətbəxinin yeməklərinin hazırlanması, şirniyyat təqdimatı, pizza , şokoladlar, üçölçülü tortlar, hətta tərəvəz və meyvə oyma sənətini əhatə etdi. Yarışlardan əlavə, mərakeşli və beynəlxalq aşpazların iştirakı ilə usta siniflər təşkil olundu və iştirakçılara unikal kulinariya texnikası və ənənələri haqqında məlumat verildi.

Aqadirdə keçirilən Beynəlxalq Kulinariya İncəsənəti və Mətbəx Ulduzları Festivalı “Souss Gastro” qastronomik turizm reyestrində həvəsləndirici hadisə olmaqla yanaşı ,kulinariya sənətini ucaltmaq və yemək vasitəsilə mədəniyyətlər arasında əlaqəni gücləndirməyidə bacardı.

Ağa Salamov,

Qida mütəxəssisi