Gürcüstan parlamentinin giriş qapılarını sındırmaq istəyən aksiyaçılara qarşı su və bibər qazından istifadə olunub.
"Unikal" TASS-a xəbər verir ki, Xarici agentlər qanun layihəsinə qarşı çıxan bir neçə etirazçı uzun müddət darvazanın yanında dayanaraq onu silkələyiblər. Polis xüsusi texnikadan istifadə etdikdən sonra etirazçılar qaçıblar.
Gürcüstan Daxili İşlər Nazirliyi bəyanat yayıb ki, parlamentə bitişik ərazidə bir nəfər də olsun polis əməkdaşı olmamasına baxmayaraq, müəyyən qrup etirazçılar özlərini aqressiv aparmağa başlayıblar. Hüquq-mühafizə orqanı nümayişçiləri qanundan kənara çıxmamağa çağırır.
