Bu tələbələr oxuduqları ali məktəbdən qovuldu

Nyu-Yorkdakı Kolumbiya Universitetinin tələbələri qovulub. Buna səəbəb onların Manhettendə binalardan birini ələ keçirməsi olub.

KONKRET.az xəbər verir ki, universitet rəhbərliyi aprelin 30-na keçən gecə universitet binasına daxil olan tələbələrin, eləcə də bir gün əvvəl çadır şəhərciyinin dağıdılması zamanı müqavimət göstərən tələbələrin ölkədən çıxarılması prosesinə başlayıb.

Kolumbiya Universitetinin rəsmiləri deyiblər: “Yəhudi tələbələrimiz və müəllimlərimizin çoxu üçün təhdid yaranıb. Bu tələbələr mühiti, eləcə də tədris prosesini, öyrənmə və yekun imtahan hazırlığını pozub və kampusda iğtişaşlar yaranıb”.

Xatırladaq ki, aprelin 29-da Ostindəki Texas Universitetinin ərazisində Fələstini dəstəkləyən etiraz aksiyası nəticəsində hüquq-mühafizə orqanlarının əməkdaşları azı 40 nəfəri həbs etmişdi. Polis etirazçıları dağıtmaq üçün gözyaşardıcı qaz və səs-küylü qumbaralardan istifadə edib.

Bu gün səhər saatlarında Ostindəki Texas Universitetinin şəhərciyində İsrailin Qəzza zolağına təcavüzünə qarşı etirazçılarla polis arasında toqquşmalar baş verib.

Aprelin 28-də bir həftə ərzində fələstinlilərə dəstək məqsədilə keçirilən tələbə etirazlarında 700-dən çox adamın saxlanıldığı bildirilmişdi. Tələbə fəallığı dalğasına Nyu Yorkdakı Kolumbiya Universitetinin ərazisindəki çadır düşərgəsinin dağıdılması zamanı azı 108 nəfərin polis tərəfindən həbs edilməsi səbəb olub.

Natiq Səlim,

KONKRET.az