Sankt-Peterburqda məktəbli odlu silahla məktəbdə insident törətdi

Sankt-Peterburqun Kalininski rayonunda orta məktəb şagirdi məktəbə pnevmatik silah gətirib və divarlara atəş açmağa başlayıb.

“Report” xəbər verir ki, bu barədə Rusiya KİV-i məlumat yayıb.

Hadisə Sankt-Peterburqun şimalındakı məktəblərin birində baş verib. 14 yaşlı yeniyetmə məktəbə pnevmatik tapança gətirib. O, tənəffüs zamanı divara atəş açaraq əylənib.

Məlumata görə, hadisə yerinə hüquq-mühafizə qrupu cəlb olunub. Tələbəyə qarşı xuliqanlıq maddəsi ilə cinayət işi başlana bilər.