Uzun fasilədən sonra iş həyatına necə qayıtmaq olar?

Bir çox insanlar müxtəlif səbəblərdən həyatlarının müəyyən bir nöqtəsində işlərinə ara verməli olurlar. Fasilə uzun olanda iş həyatına uyğunlaşmaq çətinləşir. Bəs, insan uzun fasilədən sonra iş həyatına necə qayıtmalıdır? 

Həyatda zaman-zaman fərqli prioritetlərimiz ola bilər. Valideyn olmağa qərar vermək, səhhətində problemlər, tamam başqa sektora addım atmaq istəmək və s. Ola bilsin ki, bir çox başqa səbəblərə görə iş həyatınıza ara vermək məcburiyyətində qalmısınız. Yenidən işə başlamaq istəyirsinizsə, lakin ilk addımı atmaq üçün haradan başlayacağınızı bilmirsinizsə, bu məqalə sizə faydalı olacaq.

Məqsədlərinizi dəqiqləşdirin

Yeni bir başlanğıc edərkən, bunun daimi bir addım olması üçün əvvəlcə nə istəmədiyimizə qərar vermək vacibdir. Bunun üçün keçmiş təcrübələrimizdən istifadə etmək lazımdır. Sənaye, şirkət ölçüsü, iş tərzi, sosial və s. Gözləntilərinizi əhəmiyyət sırasına görə sıralamaq məqsədinizi müəyyənləşdirməyə kömək edəcək. 

İş sektorunuza və əlaqələrinizə diqqət edin

Əgər işlədiyinizdən bir müddət keçibsə, iş sektorunuz və onun iş imkanları ilə yenidən tanış olmanız lazım ola bilər.

 İş sektorunuzu araşdırın. Sizi maraqlandıran rollar üçün maaş aralığını öyrənmək vacibdir. İstədiyiniz vəzifənin maaş aralığını öyrəndikdən sonra iş seçimi etməlisiniz. 

Əlaqələr yaradın. Keçmiş həmkarlarınıza iş həyatına qayıtmaq istədiyinizi bildirə bilərsiniz. Bu insanlar sizi iş sektoru haqqında məlumatları, dəyişən rəqibləri və yeni ideyalar haqqında məlumat verə bilərlər. 

Konfranslarda iştirak edin. Konfranslar təkcə əlaqələrinizi genişləndirmək üçün deyil, həm də sürətinizi artırmağa kömək edir. Öz sektorunuzla bağlı qruplara qoşulmaq sizi peşəkarlaşdıracaq.

Bacarıqlarınızı təzələyin

Müsahibəyə getməzdən əvvəl bacarıqlarınızı təzələməyi unutmayın. Bunu etmək sizi daha inamlı edəcək. Əgər tanış olmadığınız yeni məhsullar və ya proqramlar varsa, dərs keçməyi düşünə bilərsiniz. Yeni bacarığı mənimsədikdən sonra onu CV-nizə əlavə edə bilərsiniz. Bəzi sahələr tez dəyişmir. Köhnə nəşrləri nəzərdən keçirmək, konfranslarda iştirak etmək və ya sənaye xəbərlərini oxumağa başlamaq, podkastları dinləmək, xəbər bülletenlərinə abunə olmaq və s. kimi fəaliyyətlər məlumat əldə etməyə və unutduqlarınızı xatırlamağa kömək edir.

CV-nizi yeniləyin və müsahibənizi təkrarlayın

İşəgötürənlərin sizi daha asan tanıması üçün aktual CV ilə iş axtarmağa başlamalısınız. Keçmiş təcrübənizdə köhnəlmiş məqamlar varsa, onları yeniləməlisiniz. Müraciət etmək istədiyiniz vəzifə üçün hansı səriştələrin tələb olunduğunu öyrənməlisiniz. Müraciət üçün xüsusi hazırlanmış örtük məktubu bir çox namizəd üçün vacibdir. Xüsusən də uzun fasilədən sonra işə başlayacaq namizədlər üçün. Odur ki, işdən niyə fasilə verməli olduğunuzu və işə qayıtmaq istəyinizi qısa və təsirli şəkildə izah etməlisiniz.

İşdən ara vermə səbəbiniz nə olursa olsun, onu qısa bir şeyə çevirməyə çalışmalı, sonra söhbəti son təcrübənizə çevirməlisiniz. Axı, vaxt keçsə də, təcrübəniz həmişə etibarlı olaraq qalır. Mümkün müsahibə suallarını öyrənməlisiniz və müsahibə anını məşq etməyi unutmayın. Beləliklə, təkmilləşdirməli olduğunuz aspektləri aydın şəkildə müəyyən edə bilərsiniz.

Əvəz Həsənov