AŞPA Rusiya prezidenti Vladimir Putini qeyri-legitim elan edib

 

Avropa Şurası Parlament Assambleyası (AŞPA) qəbul etdiyi qətnaməsində Rusiya Federasiyasının prezidenti Vladimir Putini qeyri-legitim, Rus Pravoslav Kilsəsini Rusiyanın təsir və təbliğat aləti hesab edib.

 

Bu qətnamə 87 səslə qəbul edilib. Təklif estoniyalı diplomat Eerik-Niyles Kross tərəfindən irəli sürülüb.

 

Moderator.az xəbər verir ki, bu barədə "interfax.com.ua" nəşri məlumat yayıb.

 

"İndicə AŞPA deputatları "Aleksey Navalnının ölümü və Vladimir Putinin totalitar rejiminə və onun demokratiyaya qarşı müharibəsinə müqavimətin zəruriliyi" adlı qətnamə qəbul edib", - bunu Ukrayna Ali Radasanın AŞPA-dakı daimi nümayəndə heyətinin üzvü Yevgeniya Kravçuk ("Xalqın xidmətçisi" fraksiyası) özünün "Facebook" səhifəsində yazıb.

 

Onun sözlərinə görə, bu qətnamədə AŞPA dəqiq qeyd edib ki, Putin hakimiyyətə gələndən məqsədi demokratiyaya qarşı müharibə aparılması və keçmiş Sovet İttifaqının dağılmasından sonra yaranan Avropa və dünya nizamının dəyışdirilməsi olan rejim qurub.

 

Assambleya bir daha təsdiq edib ki, Putin dönəmində Rusiya Federasiyası faktiki diktaturaya çevrilib və aşağıdakılara çağırış edib:

 

- Putinin Rusiya Federasiyasının prezidenti kimi qeyri-legitimliyini tanımaq. Sənəddə xatırladılır ki, Putin 2000-ci ildən hakimiyyətdədir, 2020-ci ilin iyul ayında Rusiya Konstitusiyasına qəbul edilən və Venesiya Komissiyası və Assambleya tərəfindən qeyri-legitim hesab edilən düzəlişlər ona öz postunda 2036-cı ilədək qalmağa imkan verir.

 

- Rusiyaya qarşı terrorçuluğa sponsorluq edən dövlət kimi, habelə Belarusda Lukaşenko rejiminə qarşı sanksiyalar rejimini gücləndirmək.

 

- Rus Pravoslav Kilsəsini (RPK) Rusiyanın etiqad və baxışlar azadlığına heç bir aidiyyəti olmayan təsir və təbliğat aləti olduğunu tanımaq, həmçinin patriarx Kirillə və Rus Pravoslav Kilsəsinin iyerarxiyasına "rus dünyasının" neoimperiya ideologiyasının davam etməsi kimi baxmaq. 

 

- Ərazilərində Rusiyanın Mərkəzi Bankı aktivlərinin dondurulduğu ölkələr tərəfindən "bu aktivlərin beynəlxalq kompensasiyalar  mexanizminə tez bir zamanda verilməsi" mexanizmini yaratədılsın. AŞPA hesab edir ki, bu mexanizm Avropa Şurasının himayəsi altında yaradılmalıdır.

 

- Rusiyada minlərlə məhbusa, o cümlədən 2014-cü ildən Rusiya həbsxanalarında qanunsuz saxlanılan Ukraynanın siyasi məhbuslarına, habelə ukraynalı hərbi əsirlərə qarşı işgəncələr və qəddar davranışın digər formalarının tətbiqinə görə Rusiyanı məsuliyyətə cəlb etmək.

 

Bundan başqa, Assambleya vurğulayıb ki, beynəlxalq humanitar hüquqa görə, Rusiyanın neft emalı zavodları hərbi hücumların qanuni hədəfləri hesab edilməlidir", - Kravçuk əlavə edib.