Zelenski: “Ukrayna sülh danışıqlarına hazırdır”

Ukrayna Prezidenti Vladimir Zelenski bildirib ki, Ukrayna sülh danışıqlarına hazırdır, lakin Rusiya ilə dialoq aparmayacaq.

“Rusiya Prezidenti Vladimir Putin bu danışıqları istəmir, ona görə də bu, vaxt itkisidir”, – deyə Zelenski söyləyib.

Ukrayna lideri qeyd edib ki, məhz buna görə də Ukrayna öz sülh formulunu təbliğ edir və Rusiyanın iştirakı olmadan dünya ölkələrinin sammitlərini toplayır ki, Moskva bu plana mane olmasın.

“Rusiya hakimiyyəti onu danışıqlara cəlb edən kimi istər-istəməz Ukraynanın bütün təşəbbüslərinə mane olacaq və güc toplayıb müharibəni daha da davam etdirmək üçün münaqişəni dondurmağa çalışacaq”, – deyə əlavə edib.

Prezident, həmçinin bildirib ki, Ukrayna bir çox cəbhələrdə, sursat və canlı qüvvə çatışmazlığından tutmuş Rusiyanın artan hücumlarına qədər problemlərlə üzləşir. Bu, ABŞ-dən gələcək yardımla bağlı qeyri-müəyyənlik fonunda baş verib.