Ermənistan Baş nazirinin müavini: “Delimitasiya və demarkasiya məsələləri hələ də müzakirə olunur”

Azərbaycan və Ermənistan arasında delimitasiya və demarkasiya ilə bağlı məsələlər hələ də müzakirə mərhələsindədir.

APA Ermənistan mediasına istinadən xəbər verir ki, bu barədə Ermənistan Baş nazirinin müavini Mher Qriqoryanın ofisindən məlumat verilib.

Bildirilib ki, iki ölkənin komissiyalarının iclaslarının yekunları üzrə rəsmi press-relizlər dərc olunur, onlardan kənar isə tərəflər ikitərəfli qaydada təsdiq edilmiş iş proseduruna uyğun olaraq şərh vermirlər.

“Komissiyaların növbəti iclasının vaxtı hələ müəyyən edilməyib”, - Mher Qriqoryanın ofisindən bildirilib.