Mayın 18-də Avropa İttifaqı ölkələrindəki yeraltı qaz anbarlarına 281 milyon kubmetr qaz vurulub, onlardan 16 milyon kubmetr qaz götürülüb.
Musavat.com "Gas Infrastructure Europe"nin (GIE) məlumatına istinadən xəbər verir ki, hazırda Avropanın yeraltı qaz anbarları 66,77 faiz doludur (son beş il ərzində bu tarix üçün orta göstəricidən 14 faiz bəndi yüksək), onlarda 73,17 milyard kubmetr qaz var.
Qeyd edək ki, Avropada istilik mövsümü 31 mart 2024-cü ildə başa çatıb. 145 gün davam edən mövsüm boyu Aİ ölkələri anbarlardan 51,6 milyard kubmetr götürərək onu 58,34 faizlik rekord ehtiyatla başa vurur.
May ayında Aİ-nin elektrik enerjisi istehsalında külək enerjisinin payı cəmi 13 faiz təşkil edir.
Terminallardan Avropa qaz ötürmə sisteminə cəmi LNG daxilolmaları may ayında əvvəlki ayla müqayisədə azalıb. Hazırda maye qazın yenidən qazlaşdırılması və onun Avropa boru kəmərlərinə vurulması gücü maksimumun 39 faizi ilə yüklənir. Apreldə Avropada qazın orta alış qiyməti 1 min kubmetr üçün 320 dollar təşkil edib, may ayında 339 dollar ətrafındadır.
Musavat.com
