"Aston Villa"nın qapıçısı Emiliano Martinez yeni rekorda imza atıb.
Apasport.az xəbər verir ki, argentinalı bu gün "Liverpul"la matçın 2-ci dəqiqəsində öz qapısına qol vurub.
"Opta"nın məlumatına görə, dünya çempionunun indi Premyer Liqada 3 avtoqolu var. Bu, turnir tarixində qapıçılar arasında ən yüksək göstəricidir.
Emiliano Martinez 2020-ci ildən "Aston Villa"da oynayır və əvvəllər Londonun "Arsenal" klubuna məxsus idi. Ümumilikdə, qapıçı Premyer Liqada 159 matçda 195 qol buraxıb.
