Qəzza zolağının cənubundakı Rəfah şəhərindən 300 min fələstinlinin köç etmək məcburiyyətində qaldığını təxmin edilir.
İqtisadiyyat.az xəbər verir ki, bu barədə Birləşmiş Millətlər Təşkilatının Fələstinli Qaçqınlara Yardım Agentliyi (UNRWA) bildirib.
UNRWA-nın "X" hesabında verilən açıqlamada Qəzza zolağında fələstinlilərin məcburi və qeyri-insani köç şərtlərinin davam etdiyi bildirilib.
Açıqlamada, 300 min fələstinlinin Rəfah şəhərindən köç etmək məcburiyyətində qaldığı təxmin edildiyi qeyd edilib və Qəzzada təhlükəsiz yer olmadığı xatırladılıb.
Bildirilib ki, mayın 10-da İsrail Təhlükəsizlik Kabineti Qəzzanın cənubundakı hücumlardan qaçaraq təxminən 1,5 milyon insanın sığındığı Rəfah şəhərində quru hücumlarının başlaması ilə bağlı qərarı təsdiqləyib.
