Fransa İsraili Qəzza zolağının cənubundakı Rəfah şəhərində hərbi əməliyyatı mümkün qədər tez dayandırmağa və Fələstin-İsrail münaqişəsinin həlli üçün danışıqlar yoluna çıxmağa çağırır.
Teleqraf.com xəbər verir ki, bu barədə Fransa Xarici İşlər Nazirliyinin X sosial şəbəkəsində yerləşdirilmiş mesajında deyilir.
"Biz İsrail hakimiyyətini bu hərbi əməliyyatı dərhal dayandırmağa və danışıqlar yoluna qayıtmağa çağırırıq", - Fransa Xarici İşlər Nazirliyi bildirib.
Qeyd olunur ki, danışıqlar döyüş əməliyyatlarından yeganə etibarlı çıxış yolu, eləcə də girovların azad edilməsidir.
Müəllif: Əsəd Məmmədəliyev
