ABŞ-da 2023 "Miss USA" və "Miss Teen USA" qalibləri taclarından imtina ediblər.
Publika.az xəbər verir ki, onlar bu həftə "zəhərli" iş mühitini pisləyən Amerika gözəllik müsabiqəsi direktorunun istefasından sonra "psixi sağlamlıq" səbəblərini əsas gətirərək taclarını geri qaytarıblar.
1952-ci ildə əsası qoyulan, 2015-ci ilə qədər Donald Trampın ev sahibliyi etdiyi yarışma ətrafında bir çox sərt qaydaların qoyulduğu şayiələr çoxdan mövcuddur. Tacdan imtina edən gənc qadınlara mümkün psixoloji təzyiqlərlə bağlı müzakirələr isə bir həftə əvvəl sosial şəbəkələrdə başlayıb.
Amerikanın “Forbes” jurnalının məlumatına görə, “Miss USA” müsabiqəsi son on ildə mübahisələrlə zəngindir, lakin son 70 ildə ilk dəfədir ki, qalib belə bir səbəbə görə tacından imtina edir.
