![](https://sportnet.az/uploads/posts/2024-05/medium/1715339941_8b234da4-54ec-36eb-a6ed-690a88dfcad0_850.jpg)
İtaliyanın "Napoli" klubunun yarımmüdafiəçisi Xviça Kvaratsxeliya karyerasını Fransa təmsilçisi PSJ-də davam etdirə bilər.
Sportnet.az "RMC Sport"a istinadən xəbər verir ki, gürcüstanlı futbolçu Paris klubunun əsas transfer hədəfidir.
PSJ-nin nümayəndələrinin artıq Kvaratsxeliyanın yaxın ətrafı ilə görüşdükləri, futbolçunun da Liqa 1 təmsilçisinə keçməyə müsbət yanaşdığı bildirilib.
Qeyd edək ki, X.Kvaratsxeliya 2022-ci ildə 10 milyon avro qarşılığında Batumi "Dinamo"sundan "Napoli"yə transfer olunub. Bu mövsüm o, neapolluların heyətində meydana çıxdığı 42 oyunda 10 qola, 9 məhsuldar ötürməyə imza atıb. 23 yaşlı futbolçunun İtaliya klubu ilə müqaviləsinin müddəti 2027-ci ilin yayına qədərdir.