ABŞ iqtisadiyyatı Tayvanda istehsal olunan qabaqcıl çiplərdən kritik dərəcədə asılıdır.
NOCOMMENT.az xəbər verir ki, bunu ABŞ-ın ticarət naziri Cina Raymondo Konqresdəki dinləmələrdə bildirib.
Raymondun sözlərinə görə, Birləşmiş Ştatlar tələb olunan qabaqcıl çiplərin 92%-ni Tayvandakı TSMC-dən alır.
“Onlar Birləşmiş Ştatlarda istehsal etdiyimiz hər şeydən çox irəlidədirlər”, – Cina Raymondo vurğulayıb.
Qeyd edək ki, TSMC dünyanın ən böyük elektron çip istehsalçılarından biridir. 2023-cü ildə TSMC gəlir baxımından Intel və Samsung-u qabaqlayaraq 69,3 milyard dollar qazanıb.
