“Google” daxili “Gemini” neyron şəbəkəsi olan Pixel 8a smartfonunu təqdim edib. Cihazın qiyməti 499 dollar təşkil edir.
Pixel 8 xəttinin aşağı büdcəli versiyası flaqman modelləri kimi Tensor G3 prosessoru ilə təchiz olunub. Smartfon 8 GB operativ yaddaş, həmçinin 128 GB və ya 256 GB daxili yaddaş alıb.
Pixel 8a-nın ekran ölçüsü 6.1 düym təşkil edir, yeniləmə tezliyi 120 Hz-ə qədər artırılıb və maksimum parlaqlıq 2000 nit-ə çatır.
Smartfon yandırma/söndürmə düyməsini basmaqla işə salınan “Gemini” neyron şəbəkəsi ilə təchiz olunub. O, həmçinin foto və səs emojilərində seçilmiş obyekt üçün axtarış funksiyalarını dəstəkləyir.
Pixel 8a-nın ABŞ-da satışı 14 may 2024-cü ildə başlayacaq. Cihaz qara, mavi, yaşıl və bej rənglərində təqdim ediləcək.
