NBA pley-offunda Entoni Edvards Kobi Brayantın 23 illik nəticəsini təkrarlayıb.
News24.az İdman.biz-ə istinadən xəbər verir ki, “Minnesota Timbervulvz”un basketbolçusu pley-offda ardıcıl 2 oyunda 40-dan çox xal toplayıb.
Entoni ikinci mərhələnin ilk matçında “Denver”ə qarşı 43 xal toplayıb. 22 yaşlı basketbolçunun uğurlu çıxışı “Minnesota”ya hazırki çempionu 106:99 hesabı ilə məğlub etmək imkanı verib. O, bundan əvvəl “Finiks”lə seriyanın 4-cü oyununda 40 xal toplayıb.
Qeyd edək ki, Brayant 2001-ci ilin mayında “Sakramento” (48 xal) və “San-Antonio” (45 xal) ilə ardıcıl 2 görüşdə 40-dan çox xal toplayıb.
