Ümummilli Lider Heydər Əliyevin anadan olmasının 101-ci ildönümünə həsr olunmuş "Prezident Kuboku-2024" beynəlxalq reqatası davam edir.
Apasport.az xəbər verir ki, Mingəçevirdəki “Kür” Olimpiya Tədris-İdman Mərkəzində keçirilən turnirin 3-cü günündə Qiyas Əhmədov - Vacib Babayev (2008-2009-cu il təvəllüdlü) cütlüyü 200 metr məsafəyə kayak yarışında gümüş medal qazanıblar.
Bununla da Azərbaycanın qazandığı medalların sayı 6-ya çatıb.
Qeyd edək ki, “Prezident Kuboku-2024” reqatasına mayın 3-də yekun vurulacaq.