ABŞ-ın büdcə kəsiri azaldılmasa, bu, ölkə iqtisadiyyatına təhdid yaradacaq.
Musavat.com xəbər verir ki, bu fikri ABŞ-ın maliyyə naziri Canet Yellen səsləndirib.
O, kəsirin azaldılması üçün addımlar atılmayacağı təqdirdə, ölkənin hara gedəcəyini bilmədiyini deyib: "Mövcud vəziyyətdən narahat olduğumu söyləməzdim, amma kəsiri azaltmaq üçün addımlar atmasaq, hara getdiyimizdən narahatam".
Yellen qeyd edib ki, ABŞ prezidenti Co Baydenin 2025-ci maliyyə ili üçün (ABŞ-da 2024-cü il oktyabrın 1-dən başlayaraq) təklif etdiyi büdcədə növbəti 10 il ərzində büdcə kəsirinin azaldılması üçün tədbirlərin görülməsiən 3 trilyon dollar xərclənməsi nəzərdə tutulub.
Bundan əvvəl Ağ Ev 2025-ci maliyyə ili üçün ümumi xərcləri 7,266 trilyon dollar, gəlirləri isə 5,485 trilyon dollar nəzərdə tutan büdcə layihəsini dərc edib. Sənəddən aydın olur ki, büdcə kəsiri 1,781 trilyon dollar olmalıdır. 2024-cü maliyyə ilində ABŞ-ın büdcə xərcləri 6,941 trilyon dollar, gəlirlər 5,082 trilyon dollar, büdcə kəsiri isə 1,859 trilyon dollar olmalıdır.
Musavat.com
