Demokrat.az Azərbaycan Kanoe və Avarçəkmə Federasiyasının (AKAF) mətbuat xidmətinə istinadən xəbər verir ki, Gənclər və İdman Nazirliyi ilə AKAF-ın birgə keçirəcəyi yarışın təşkilatı işləri artıq başa çatıb.
Mingəçevir şəhəri ənənəvi reqataya hazırdır. Şəhərin mərkəzi küçələri reqatada iştirak edəcək ölkələrin bayraqları ilə bəzədilib. Lazımi təmizlik-abadlıq işləri aparılıb. Sakinlər hər il təşkil edilən “Prezident Kuboku”nun şəhərdə əsl bayram ab-havası yaratdığını deyir. Ölkəmizdə avarçəkmənin vətəni sayılan Mingəçevirdə hər kəs yarışların başlamasını gözləyir.
Yığma komandamızın üzvü Diana Dımçenkonun Paris-2024 Yay Olimpiya Oyunlarına lisenziya qazanması reqataya xüsusi rəng qatacaq.
Qeyd edək ki, Ümummilli Lider Heydər Əliyevin xatirəsinə həsr olunan “Prezident Kuboku-2024” beynəlxalq reqatasına 20-dən çox ölkədən 30-a qədər komanda qatılacaq. Yarışlar mayın 1-i Suqovuşanda start götürəcək, 2-3 may tarixində Mingəçevir Kür Olimpiya Tədris-İdman Mərkəzində davam edəcək.
Mayın 3-də Mingəçevirdə “Prezident Kuboku-2024” beynəlxalq reqatasının bağlanış mərasimi olacaq. Bağlanış mərasimində əvvəlcə qaliblər mükafatlandırılacaq. Kayak-kanoe və akademik avarçəkmə üzrə kuboklar sahiblərinə təqdim ediləcək. Daha sonra bağlanış mərasimi bədii hissə ilə davam edəcək. Müxtəlif musiqi nömrələri ilə yanaşı, son illərin ən populyar ifaçılarından Hiss solo ifası ilə bağlanış mərasiminə rəng qatacaq. “Prezident Kuboku” reqatasına atəşfəşanlıqda yekun vurulacaq.
Xatırladaq ki, “Prezident Kuboku” reqatası ardıcıl ikinci ildir Avropa Kanoe Assosiasiyasının rəsmi təqvim planına daxil edilib.
Bütün xəbərləri reklamsız oxumaq üçün
Günlük ölkədə baş verən xəbərləri bizdən izlə.
10Mənbələr
-
rekord.az“Prezident Kuboku-2024” beynəlxalq reqatasına hazırlıqlar başa çatıb ( 5932876)
-
futbolinfo.azMingəçevir “Prezident Kuboku”na hazırdır ( 5930167)
-
baku.ws"Prezident Kuboku-2024" beynəlxalq reqatasına hazırlıqlar başa çatıb - FOTO ( 5927206)
-
demokrat.azMingəçevir avarçəkmə üzrə "Prezident Kuboku"na hazırdır — FOTOLAR ( 5927170)
-
azertag.azMingəçevir “Prezident Kuboku-2024” beynəlxalq reqatasına hazırdır ( 5925991)
-
bakivaxti.az"Prezident Kuboku-2024": Hazırlıqlar başa çatdı - FOTOLAR ( 5925874)
-
ikisahil.az"Prezident Kuboku-2024" beynəlxalq reqatasına hazırlıqlar başa çatıb ( 5925400)
-
unikal.azMingəçevir avarçəkmə üzrə “Prezident Kuboku"na hazırdır - FOTOLAR ( 5925595)
-
sia.az"Prezident Kuboku-2024" beynəlxalq reqatasına hazırlıqlar başa çatıb - FOTOLAR ( 5925157)
-
idman.bizMingəçevir avarçəkmə üzrə “Prezident kuboku”na hazırdır - FOTO ( 5924421)