“Rabitəbank” rəhbərliyi ABŞ-ın mühüm maliyyə institutlarından biri olan “Bank of New York Mellon” ilə yeni texnologiyaların tətbiqi sahəsində işbirliyini müzakirə etmək məqsədilə Nyu-York şəhərində əhəmiyyətli bir görüşdə iştirak edib.
Aprelin 23-də baş tutan görüşdə “Rabitəbank” ASC-nin Müşahidə Şurasının sədri Zakir Nuriyev ABŞ-da sürətlə inkişaf edən maliyyə texnologiyaları ilə bağlı ən son yenilikləri öyrənmək və “Rabitəbank”ın təcrübəsini artırmaq üçün əməkdaşlıq imkanlarını müzakirə edib.
“Rabitəbank” ASC 16 region və Bakı şəhəri üzrə ümumilikdə 28 xidmət məntəqəsi, 74 ATM-i, “Rabita Mobile” tətbiqi, İnternet Bankçılıq platforması, “RabitaBot” çatbotu və 133 nömrəli Çağrı Mərkəzi ilə müştərilərin xidmətindədir.
