Qazaxıstanın keçmiş daxili işlər naziri Erlan Turqumbayev saxlanılıb.AzVision.az xəbər verir ki, bu barədə ölkənin Baş Prokurorluğu məlumat yayıb. Qeyd edilir ki, o, 2022-ci ildə baş vermiş kütləvi iğtişaşlarla əlaqədar saxlanılıb.
Turqumbayev ağır nəticələrə səbəb olan vəzifə səlahiyyətlərindən sui-istifadə etməkdə şübhəli bilinir. Digər istintaq məlumatları məxfilik səbəbindən açıqlanmayıb.
Turqumbayev 2019-2022-ci illərdə Qazaxıstanın Daxili işlər naziri işləyib.
Xatırladaq ki, 2022-ci ilin yanvarında Qazaxıstanda kütləvi iğtişaşlar baş verib. Prezident Kasım-Jomart Tokayev yaranmış xaosu çevriliş cəhdi adlandıraraq kömək üçün Kollektiv Təhlükəsizlik Müqaviləsi Təşkilatına (KTMT) müraciət etdi. İğtişaşlar zamanı 238 nəfər ölüb, 4,5 mindən çox insan yaralanmışdı.
Tural Tağıyev
AzVision.az
- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
