Muğam Mərkəzində konsert keçirildi - FOTOlar

Tarix: 29 Aprel 2024 21:09

Aprelin 18-də Beynəlxalq Muğam Mərkəzində "Baharın harmoniyası"( "Spring Harmony")  aldı konsert keçirilib.
Milli.Az xəbər verir ki, konsert proqramında Azərbaycan və xarici bəstəkarların məşhur musiqi əsərləri təqdim edilib.
Gecədə Üzeyir Hacıbəyli adına Bakı Musiqi Akademiyasının müəllimləri Zərif Kərimova, Oksana Gül, Gülşən Mehdiyeva (piano) və Azərbaycan Dövlət Simfonik Orkestrinin solisti Nərgiz Əliyevanın (fleyta) ifaları səslənib.
Dörd xanım ifaçı səhnədə bir-birindən rəngarəng ifalarla tamaşaçılara zövqlü musiqili gecəsi bəxş ediblər. Musiqinin sehrini ruhunuzda hiss edin. İfaya olan həvəsinizi qarşılamaq və ona ruhunuzun bir parçasını vermək üçün səhnəyə çıxın fikirləri ilə çıxış edən ifaçılar tamaşaçıların alqışları ilə mükafatlanıblar. Konsertin adına uyğun bahar harmoniyalı həmahəng musiqi nömrələri və ifalar bir daha qadın zövqünün incəliyini səhnədən zala ötürmüş oldu. Xanım musiqiçilərin  özləri qədər parlaq çıxışları gurultulu alqışlarla müşayiət olunub.



Milli.Az