Bukingem Sarayı III Çarlzın tezliklə vəzifəyə qayıdacağını ELAN ETDİ

Çarlz III xərçəng xəstəliyindən müalicə olunduqdan sonra tezliklə dövlət işlərinə qayıdacaq.

İnterpress.az xəbər verir ki, bu barədə Bukingem Sarayı məlumat yayıb.

Britaniya kralı III Çarlz xərçəng xəstəliyindən müalicə olunduqdan sonra tezliklə dövlət işlərinə qayıdacaq.

“Əlahəzrət Kral son xərçəng diaqnozundan sonra bir müddət müalicədən və sağaldıqdan sonra tezliklə ictimaiyyət qarşısında çıxışlara qayıdacaq”, – dövlət başçısının aparatının yaydığı məlumatda deyilir.

Bu əlamətdar hadisəni qeyd etmək üçün III Çarlz və onun həyat yoldaşı Kraliça Kamilla aprelin 30-da xərçəng müalicəsi mərkəzinə baş çəkərək, heyət və xəstələrlə görüşəcəklər.

Xuraman Etibarlı

İnterpress.az