İranda PUA hücumu nəticəsində iki nəfər öldü

İranın cənub-şərqindəki Sistan-Bəlucistan əyalətində təhlükəsizlik qüvvələri tərəfindən silahlı pilotsuz uçuş aparatı ilə  həyata keçirilən  hücumu nəticəsində 2 nəfər həlak olub.
İranın rəsmi İRNA xəbər agentliyinin yaydığı məlumata görə, vilayətin “Şuru” bölgəsində “terror təşkilatı” üzvlərinə məxsus avtomobil təhlükəsizlik qüvvələri tərəfindən hədəf alınıb.
Hücumda 2 nəfərin öldüyü, “terrorçu” adlandırılan şəxslərin hansı təşkilata mənsub olduqları bildirilməyib.
İranla Pakistan sərhədində yerləşən Sistan-Bəlucistan əyaləti vaxtaşırı silahlı və bombalı hücumlar törədən “Ceyşul Adl” adlı təşkilatın hücumlarına məruz qalır.