Çin Xarici İşlər Nazirliyi Tayvan ətrafında vəziyyəti sakit adlandırıb

Çinin xarici işlər naziri Vanq Yi Tayvan boğazındakı vəziyyəti sakit adlandırıb, lakin bölgədə xaricdən sabitliyi pozan təsirlərə işarə edib.

Diplomatın Qətərin Peninsula nəşrinə verdiyi yazılı müsahibənin mətni Çin Xarici İşlər Nazirliyinin saytında yerləşdirilib.

“Ciddi çətinliklər var. Onların arasında ən böyük problemlər Tayvanı dəstəkləyən müstəqillik qüvvələrinin separatçı fəaliyyəti, eləcə də xarici qüvvələrin müdaxiləsi ilə bağlıdır”.

Eyni zamanda, nazir xatırladıb ki, “Tayvan qədim zamanlardan Çinin ayrılmaz hissəsi olub” və 1943-cü il Qahirə Bəyannaməsində Tayvanın Yaponiya tərəfindən işğalından sonra ÇXR-ə qaytarılması nəzərdə tutulub.

“Tayvan məsələsi tamamilə Çinin daxili işidir və vətənin yenidən birləşməsinə necə nail olmaq Tayvan boğazının hər iki tərəfindəki Çin xalqının işidir”, – diplomat bildirib.

Mənbə: Sputnik