İran Suriyadakı qruplaşmaları arasında “satqınlar” AXTARIR

İran İsrailin hava hücumlarından sonra Suriyadakı qruplaşmaları arasında “satqınlar” axtarır.

İnterpress.az xəbər verir ki, bu barədə məlumatı Səudiyyə telekanalı Əl Ərəbiyyə yayıb.

İran zabitləri Suriyanın şərqindəki Deyr əz-Zor əyalətində onlara sadiq silahlı qrupların nümayəndələri ilə gizli görüş keçirib. Orada İranyönlü əfqan “zabitlər” və “Haşd əş-Şaabi”nin yüksək rütbəli üzvləri olub.

İsrailin İran komandirlərinə qarşı son əməliyyatlarından sonra öz sıralarında olan agent və casuslar haqqında məlumat verənlərə pul mükafatı təklif edilib.

Xatırladaq ki, 25 dekabr 2023-cü ildə İsrailin Suriyaya endirdiyi aviazərbələr nəticəsində İslam İnqilabı Keşikçiləri Korpusunun (SEPAH) baş müşaviri Səid Rza Musəvi öldürülüb.

Bu il aprelin 1-də İsrailin İranın Dəməşqdəki konsulluğuna endirdiyi zərbələr nəticəsində SEPAH-ın Suriya və Livandakı Sepah-e-Qods xüsusi təyinatlılarının komandanı Məhəmməd Rza Zahedi də zərərsizləşdirilib.

Xuraman Etibarlı

İnterpress.az