Musa Qurbanlı İsveç klubunu tərk edir? - “Yayda...”

"Bura gəldiyim gündən həmişə məsuliyyətli olmuşam və çox çalışmışam. Burda heç kimlə problemim olmayıb. Komanda yoldaşlarımla və komanda ətrafında çoxlu insanla gözəl münasibətim olub. Bu komandaya böyük hörmətim var. Böyük tarixə və mədəniyyətə malik böyük klubdur. Azarkeşlər fantastikdir". 

Yenisabah.az xəbər verir ki, bu sözləri İsveç "Yurqorden"ində çıxış edən Musa Qurbanlı "Fotbollskanalen" nəşrinə açıqlamasında deyib. 

Azərbaycan millisinin üzvü daha sonra bildirib: "Həqiqətən də, bu kluba və buradakı çoxlu sayda insana böyük hörmətim var. İlk dəfədir ki, xaricdə klubda oynayıram. Futbolda məşqçilər bəzən sizin oynamamağınıza qərar verə bilərlər. Mən həmişə qərarlara hörmətlə yanaşacağam və həmişə vəziyyətə görə məsuliyyəti öz üzərimə götürəcəyəm". 

M.Qurbanlı yayda "Yurqorden"dən ayrıla biləcəyi ilə bağlı yayılan xəbərlərə də münasibət bildirib: "Yayda nələr olacağını birlikdə görəcəyik. Hansı variantın yaxşı olacağına baxacağıq. Gəncəm və qarşımda uzun karyera var".