Yerdən ən uzaqda olan kosmik gəmi uzun fasilədən sonra ilk mesajını göndərdi

NASA-nın kosmosda ən uzaqda olan kosmik gəmisi "Voyager 1"lə beş ay ərzində heç bir əlaqə yox idi.

Milli.Az valyuta.az-a istinadən xəbər verir ki, NASA mühəndisləri kommunikasiya problemini həll etmək üçün yaradıcı həll yolu tapdıqdan sonra beş ay ərzində ilk dəfə "Voyager 1"dən anlaşılan məlumat aldılar.

Komanda aprelin 20-də "Voyager 1"in mühəndis sistemlərinin sağlamlığı və vəziyyəti ilə bağlı ilk məlumatları alıb.

Komanda məlumatlara əsasən "Voyager 1"in sağlam və düzgün işlədiyini bildirib. Missiya komandasının üzvü, 46 yaşlı Linda Spilker açıqlamasında, "Bu gün Voyager 1 üçün əla gün idi. Biz kosmik gəmi ilə yenidən əlaqə saxladıq. Və biz gəminin topladığı elmi məlumatları geri almağı səbirsizliklə gözləyirik" - sözlərini deyib.

1977-ci ildə orbitə buraxlan "Voyager 1" hazırda Yerdən təxminən 24 milyard kilometr uzaqlıqdadır. Kosmik gəmidə son illərdə müəyyən problemlər ortaya çıxmışdı. Şifrələnə bilməyən, təkrarlanan kod nümunəsi noyabr ayından etibarən "Voyager 1"in uçuş məlumat sisteminə bir döngədə ilişib qalmışdı.

Milli.Az
​Xəbərlərimizi WhatsApp kanalımızdan da oxuyun