Qadın voleybolçulardan ibarət Azərbaycan çempionatının qalibi müəyyənləşib.
Futbolinfo.az xəbər verir ki, Bakı İdman Sarayında baş tutan final matçında “Azərreyl” və “Abşeron” kollektivləri üz-üzə gəlib.
Qarşılıqlı hücumlar şəraitində keçən matçda ilk set 25:13 hesabı ilə “Azərreyl”in xeyrinə başa çatıb. “Abşeron” ikinci seti 25:15 öndə tamamlayıb. Sonra ardıcıl iki setdə 25:21 üstün olan “Azərreyl” rəqibini 3:1 hesabı ilə məğlub edərək Azərbaycan çempionu olub.
Dünən kişi voleybolçular arasında çempionatın final qarşılaşmasında “Azərreyl” kollektivi “Murov Az Terminal”a 3:2 hesabı ilə qalib gəlib.
png-1716292742.png)
