- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
Dünya
Polad daşıyan gəmi körpüyə çırpıldıqdan sonra batıb
18:18 23.04.2024
- Smartbee
- Şikayət et
Çinin Fujian əyalətindən yola çıxan və 4900 ton polad daşıyan gəmi Quandun əyalətinin Foşan şəhərində körpüyə çırpılıb.
Reyting.az xəbər verir ki, yerli hakimiyyət orqanları göyərtəsində 11 ekipaj üzvü olan gəminin anbarına qəzadan su dolmağa başladığını bildirib.
Məlumata görə, gəmi zədələndikdən sonra batıb. Bölgədə işləyən fövqəladə hallar idarəsinin açıqlamasına görə, ekipaj üzvlərindən 7 nəfər xilas edilib, itkin düşən 4 nəfərin tapılması üçün axtarış-xilasetmə əməliyyatına başlanılıb. Bu məqsədlə bölgəyə 32 gəmi və 400-dən çox canlı qüvvə göndərilib.
Ekspert qrupu tərəfindən aparılan ilkin ekspertiza zamanı körpünün əsas konstruksiyasına ciddi ziyan dəymədiyi müəyyən olunub. Qəza ilə bağlı araşdırma başlanarkən, sel fəlakəti nəticəsində suyun səviyyəsinin qalxmasının qəzaya səbəb ola biləcəyi təxmin edilir.
V. QULİYEV
Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.
Şərh ()
