Finlandiyanın Tampere şəhərində noyabrın 3-də Vladimir Leninin yeganə muzeyi bağlanacaq. Onun yerinə Rusiya və Finlandiya münasibətlərinin tarixindən bəhs edən muzey yaradılacaq.
Herbiand.az bildirir ki, bu barədə Yle portalı məlumat yayıb.
“Sovet İttifaqının dağılması ilə tarix bitməyib və biz keçmişin əsiri olaraq qalmaq istəmirik. Köhnə ad artıq sərgimizin məzmununa uyğun gəlmir, o ictimaiyyəti çaşdırır və anlaşılmazlığa səbəb olur”, - muzeyin direktoru Kalle Kallio bildirib.
Onun yerində Rusiyanın nəzərdə tutulduğu “Nutti” Şərqlə əlaqələr muzeyinin yaradılması gözlənilir. Sərgi, xüsusilə 1917-ci il inqilabları dövründən Finlandiyanın NATO-ya daxil olmasına qədər ruslar və finlər arasında transsərhəd münasibətləri əhatə edəcək. Kallio əlavə edib ki, bu, yalnız muzeyin qərarıdır və beynəlxalq kontekstdə baş verən dəyişiklik və finlandiyalı tamaşaçıların seçimləri ilə əlaqədar qəbul edilib.
Finlandiyada Lenin Muzeyi 1946-cı ildə Tampere şəhərində İkinci Dünya Müharibəsinin bitməsi və Moskva ilə Helsinki arasında münasibətlərin yaxşılaşması fonunda yaradılıb. Sərginin yeri kimi bu şəhərdə Fəhlə Evinin seçilməsi onunla əlaqədar olub ki, 1905-ci ildə Vladimir İliç Lenin SSRİ-nin gələcək lideri İosif Stalinlə ilk dəfə orada görüşüb. Sonradan muzey Nikita Xruşşov, Leonid Brejnev və Yuri Qaqarinin ziyarət etdiyi iki ölkə arasında əlaqələrin mərkəzi yerlərindən birinə çevrilib.
Bəxtiyar CƏFƏRLİ
png-1716292742.png)
