İranın İsrailə dərhal cavab verməyəcək...

İran İsrailin öz ərazisinə hücumuna dərhal cavab verməyi planlaşdırmır...Poliqon xəbər verir ki, bu barədə Reuters Agentliyi mənbələrə istinadən məlumat yayıb."Hadisənin kənardan baş verməsi ilə bağlı məlumat təsdiqini tapmayıb. Kənardan hücumla bağlı heç bir məlumat almamışıq və müzakirə hücumdan çox infiltrasiyaya yönəlib", deyə agentlik adı açıqlanmayan iranlı rəsmidən sitat gətirib.ABŞ ordusunun istefada olan general-mayoru Mark Makkarli isə deyib ki, İsrail İrana zərbəsi ilə İslam Respublikasına hava hücumundan müdafiə sisteminin öhdəsindən gələ bildiyi barədə xəbərdarlıq etmək istəyib:"İsraillilərin qisas almağa ehtiyacı var idi, lakin eyni zamanda bu qisas mesaj idi: "Bəli, biz hava müdafiəsində qalib gələ bilərik. Bunu bir daha etmə. Əgər belə etsəniz, sizi fəlakət gözləyir".İsrailin ifrat sağçı milli təhlükəsizlik naziri İtamar Ben-Qvir isə İranın İsfahan əyalətinə endirilən zərbəni "zəif" adlandırıb. O, bu barədə X sosial şəbəkəsindəki səhifəsində yazıb.Ben-Qvir hadisə ilə bağlı başqa heç bir şərh verməyib. O, daha əvvəl deyib ki, İsrailin aprelin 14-nə keçən gecə İranın hücumuna cavabı "zəif" olmamalıdır və Yaxın Şərqdə çəkindirmə nümayiş etdirməyə çağırıb.Aprelin 19-da səhər saatlarında ABC telekanalı adı açıqlanmayan amerikalı rəsmiyə istinadən İsrailin İran ərazisinə raket zərbəsi endirdiyini bildirib. Buna səbəb aprelin 14-nə keçən gecə İslam Respublikasının yəhudi dövlətinə hücumu olub. Jurnalistlərin məlumatına görə, hücum nəticəsində İranın İsfahan əyalətinin Kehcəvaristan şəhərində partlayışlar baş verib. İRNA xəbər agentliyi isə öz növbəsində ölkənin bir neçə bölgəsində hava hücumundan müdafiə sistemlərinin işə salındığını açıqlayıb.Poliqon.info