- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.
Bu gün futbol üzrə Avropa Konfrans Liqasında 2023/2024 mövsümünün 1/4 final mərhələsinin cavab qarşılaşmaları keçirilib.
Arena.az xəbər verir ki, bütün oyunlar eyni gündə baş tutub.
Ən güclü 8 komanda arasında yer alan Türkiyə klubu “Fənərbaxça” da növbəti matçına çıxıb. İstanbul təmsilçisi 1/4 finalda Yunanıstan “Olimpiakos”u ilə mübarizə aparıb. Tərəflər arasındakı ilk oyun Yunanıstanda baş tutmuş və Türkiyə təmsilçisinin 2:3 hesablı məğlubiyyəti ilə yekunlaşmışdı. Cavab qarşılaşmasının əsas vaxtında “Fənərbaxça” qalib gəlib. Ümumi hesab bərabərləşdiyi üçün əlavə vaxta ehtiyac duyulub. Amma başqa qol qeydə alınmadığı üçün qalib penaltilər seriyasında müəyyənləşib. 11 metrlik zərbələri daha dəqiq yerinə yetirən “Olimpiakos” yarımfinala yüksəlib.
Günün digər oyunlarında “Viktoriya” (Plzen, Çexiya) “Fiorentina”nın (İtaliya), “Aston Villa” (İngiltərə) “Lill”in (Fransa), “Brügge” (Belçika) isə PAOK-un (Yunanıstan) qonağı olub. “Aston Villa” da “Olimpiakos” kimi, yarımfinala penaltilər seriyasından qalib ayrılmaqla yüksəlib. Digər oyunlarda isə “Fiorentina” və və “Brügge” inamlı qələbə qazanmaqla istəklərinə çatıblar.
Beləliklə, Konfrans Liqasının yarımfinalında “Aston Villa” “Olimpiakos”la, “Fiorentina” isə “Brügge” ilə mübarizə aparacaq.
Qeyd edək ki, Avropa Konfrans Liqasında yarımfinal mərhələsinin matçları isə mayın 2-də və 9-da keçiriləcək. Final görüşü isə mayın 29-da Afinadakı “Ayasofiya” stadionunda baş tutacaq.
Avropa Konfrans Liqası
1/4 finalın cavab oyunları
18 aprel
“Fiorentina” (İtaliya) – “Viktoriya” (Plzen, Çexiya) 2:0 (ilk oyun 0:0)
Qollar: N.Qonsales, 92. Biraqi, 108.
“Lill” (Fransa) – “Aston Villa” (İngiltərə) 2:1, penaltilər 3:4 (1:2)
Qollar: Y.Yazıcı, 15. B.Andre, 67 – Kaş, 87.
“Fənərbaxça” (Türkiyə) – “Olimpiakos” (Yunanıstan) 1:0, penaltilər 2:3 (2:3)
Qol: İ.C.Kahveci, 11.
PAOK (Yunanıstan) – “Brügge” (Belçika) 0:2 (0:1)
Qollar: Yutqla, 33; 45.