"Bloomberg": ABŞ və Avropa Rusiya qoşunlarının Ukraynada irəliləməsindən qorxur

ABŞ və Avropada rus qoşunlarının yaxın həftələrdə Ukraynanın müdafiə xəttini keçərək daha da irəliləyəcəyi ilə bağlı qorxular artır. 

HİT.az xəbər verir ki, "Bloomberg mənbələrə istinadən yazıb.

Agentliyin məlumatına görə, Rusiya Silahlı Qüvvələri Çasov Yarın kənarında yerləşir və oradakı Ukrayna müdafiəsinin uğursuzluğu bütün regionun müdafiəsi üçün həlledici olacaq.

"Bloomberg"in yazdığı kimi, Ukrayna hava hücumundan müdafiə raketlərinin olmaması səbəbindən ölkənin enerji infrastrukturunu şikəst edən mərmilərlə üzləşir. Agentlik qeyd edir ki, ordusunu gücləndirmək üçün Kiyev səfərbərlik haqqında yeni qanun qəbul edib.

Moskvadakı Analitik Strategiyalar və Texnologiyalar Mərkəzinin rəhbəri Ruslan Puxov agentliyə bildirib ki, 2024-cü ilin sonuna qədər Slavyansk və Kramatorsk Rusiyanın nəzarətinə keçə bilər. Eyni zamanda, onun sözlərinə görə, Rusiya hərbçiləri bu sahədə nəzarəti gücləndirə bilməyəcəklər.

Martın sonunda Ukrayna prezidenti Volodimir Zelenski bildirib ki, Ukrayna Silahlı Qüvvələri kifayət qədər sayda mərmi ilə rus qoşunlarının qış hücumunu dayandıra bilib. Bununla belə, onun sözlərinə görə, Ukrayna ordusu daha başqa sektorda mümkün irəliləməyə müqavimət göstərə bilməyəcək.

Samir